GryfnoFrelka (zdjęcie 1 z 2)
Witojcie piknie! :) Ze Górnego Ślonska do Szanownych Waćpaństwa się zwracom, kaj jak wszyskim wiadomo powiytrza nie filtrujemy. Za to cołkiem sporo fedrujemy, bośmy są robotne frelki i jeszcze bardzi fes robotne karlusy, mocno z tradycjo związane. A z czym się to ta naszo tradycja i historia wiąże, a no dyć kopalnie i houdy, cołkiem prowdziwe górnośląskie krajobrazy przemysłowe. I bestuż że stąd żech jest to mi sie tako gryfno dziarka marzi. Robiemy to tak: wklepujemy na me szwarne niewieście udo kotwiczka, jako że jeżech tu zakorzeniono, i normalnie w jej tle tak barzyj jakby taki krajobraz ze szybem, kominem tęgim jakimś, co dymem srogim pocisko i sam musi się jeszcze plac jakiś na ten nosz usławiony Spodek znojść. Bez Spodka nie leca! Na wierchu taki malowniyczy zachód słońca kere blenduje taką promiynistom aurom a ku dołowi kotwiczki, kajś sam pod temi budowlami, jakieś kfiotuszki fajne, różyczki zacne, co by dać się pozór że Katowice, to nie je ino kulminacja familoków i smogu, a tyż miasto ziylyni, ogrodów i roztomajtych parków.
No nie fajnie rysuja, coś żech tam nabazgrała ale... no godom Wom świynto prowda, nie chcecie tego obejrzeć. Ale znalazłażech coś na wzór takie jak żech w gogle wpisywała tak: klopfsztanga, oberschlesien, ajza i gelynder. I wyskoczył taki mniej więcej wzór co by siodł. Jedyne co Wom moga pomóc to moga Wom posłać moje łokno, tam je ten szyb na kery od dwudziestu siedmiu lot pacza jak mi do roboty wstować każom ...
Aaaa pytocie o prawdziwo natura i tak sie myśla, jeżech na Woodstocku i podłaża do dziołchy bo poczebuja od niyj filok życać i pytom sie ij najbarzij po polskiemu jak umia "Cześć :) Czy macie może pożyczyć długopis? :)" A wiecie co łona mi pado?! "Ej jesteś ze Śląska, co nie?" Jo nie wiem jak łona to wyczaiła ale co Wom powiem to Wom powiem. Nie mogecie sie wyprzeć tego skąd jak jesteście. To je naszo richtig prawdziwo nietykalno niezmienno natura kero bedzie w Tobie aż do usranyj śmierci. W razie jak tu poczebno jes cenzura to prosze sie przeczytać "aż nie zamkniysz ślepi na amen".
Także robia teroz do Wos "maślane ślypia" i prosza Wos o ta jedno dziarka. Do Wos może nie taki majątek a jo dwie wypłaty na tajle do mojego batmobila sie zaoszczyndza. Pomyślcie sam o mje pomyślnie bo jo Wom przaja fest <3
W załączniku tyż to co już mi kejś nadziabali jakżech jeszcze bajtlem była.
Miłego dzionka winszuje Gryfno Frelka :)